Православный календарь 10 февраля (28 января ст.ст.)

Февраль 9th 2021 -

В этот день:
Русская Православная Церковь отмечает память святых:

Преподобный Ефрем Сирин / Sfantul Efrem SirulПреподобный Феодосий Тотемский Суморин

Преподобного Ефрема Сирина (373-379)
Преподобного Палладия пустынника Сирского (IV).
Прп. Иоанна Реоманского (539/545) (Галл.).
Преподобного Исаака Сирина, еп. Ниневийского (VII)
Мученика Георгия Угрина (1015)
Преподобного Ефрема Новоторжского (1053)
Преподобного Ефрема Печерского, еп. Переяславского (ок. 1098)
Преподобного Феодосия Тотемского (1568)
Св. Феодора Богоявленского исп., пресвитера (1933).
Преподобного Леонтия (Стасевича), архим. (1972)
Сщмчч. Игнатия (Садковского), еп. Скопинского (1938)
Преподобномученика  Варфоломея (Ратных), иеромонаха (1938)
Священномученика Владимира Пищулина, иерея (1938)
Мученицы Ольги Евдокимовой (1938)
Суморинской-Тотемской иконы Божией Матери (XVI).

Храни вас Господь, Матерь Божия и все святые, их же память мы сегодня отмечаем!

Молитвы:

Прп. Ефрема Сирина. Тропарь, глас 8.

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Ефреме, отче наш, / моли Христа Бога спастися душам нашим.

Прп. Ефрема Сирина. Кондак, глас 2.

Час присно провидя Суда,/ рыдал еси горько, Ефреме, яко любобезмолвный,/ делателен же был еси в делех учитель, преподобие./ Темже, отче всемирный, ленивыя воздвизаеши к покаянию.

Прп. Ефрема Новоторжского. Тропарь, глас 1.

Божественною свыше благодатию просветився, Богомудре, / и по смерти яви тя светлость жития твоего, / темже источаеши мирови благоухание, / иже с верою притекающим к раце мощей твоих, Ефреме преподобне. / Тем вопием ти: / слава Давшему ти чудесем благодать, / слава Прославльшему тя в чудесех, / слава Действующему тобою всем исцеления.

Прп. Ефрема Новоторжского. Кондак, глас 8.

Яко Богоявленная Российская звезда,/ днесь сияя чудесы, явился еси, преподобие отче Ефреме./ Тем не престай моляся о стаде своем,/ сохраняли отечество твое, град же и люди,/ иже тебе верою почитающих/ и к честным мощем твоим усердно притекающих,/ да велегласно тебе вопием:/ радуйся, Богомудре Ефреме, отче наш.

Прп. Ефрема Печерского, еп. Переяславского. Тропарь, глас 8.

Духом горя путешествия к святым местом, / странствовал еси в Греческую землю, / святителю Ефреме, / отнюдуже со многою пользою возвращаяся, / устав святаго Студийскаго монастыря списав, / аки некий многочестен дар, семо принесл еси, / имже и днесь Церковь Российская управляема / славит тебе, истиннаго о ней промысленника.

Прп. Ефрема Печерского, еп. Переяславского. Кондак, глас 8.

Церкви Православной Российской по желанию Бргоноснаго Феодосия устав Студийский принесшаго,/ во святйтелех же светло просиявшаго/ и стадо свое добре упасшаго,/ восхваляем тя, Ефреме,/ яко молящася Господеви о всех нас.

Прп. Феодосия Тотемского. Тропарь, глас 1.

От юности, преподобне Феодосие, / желание твое ко Христу Богу вперил еси, / егоже ради град и отечество оставль / и славу суетную, яко прах вменив, / последовал еси преподобному Димитрию / и обители его сожитель был еси, / преселився ко граду Тотьме / и в междоречие вселився, / постом и бдением, и власяным одеянием, / и веригами тело твое удручил еси. / Сего ради Бог, видев твоя труды, / по преставлении твоем чудесы обогати тя: / бесы изгоняеши и слепыя просвещаеши, / от всяких недуг и бед избавляеши приходящия к тебе с верою и вопиющия: / слава Давшему ти крепость, / слава Венчавшему тя, / слава Дающему тобою всем исцеление.

Прп. Феодосия Тотемского. Ин тропарь, глас 2.

От мирскаго мятежа изшед,/ преподобие отче наш Феодосие,/ и в тихое пристанище достиг,/ преподобному Димитрию сожитель был еси,/ и оттуду, Божиим Духом направляемь,/ во град Тотьму преселился еси,/ и во отоцех водных обитель себе воздвигл еси,/ идеже равноангельное житие пожив,/ последовал еси Христу,/ Егоже ради власяну ризу и вериги на теле твоем носил еси./ Смирением и нищелюбием украсився,/ славу суетную презрел еси/ и отеческое имение добре расточил еси,/ молением же к Богу и слезными струями бесы посрамил еси,/ темже по успении твоем Христос даром чудес обогати тя./ Имея убо дерзновение ко Господу,/ преподобие отче наш Феодосие,/ моли Христа Бога, да спасет души наша.

Прп. Феодосия Тотемского. Кондак, глас 8.

Воздержанием плоть изнурил еси/ и непрестанными молитвами, яко Ангел, возвысился еси,/ струями же слезными бесовския полки погрузил еси./ И ныне во Свете невечернем ликуеши у Христа Бога/ и приходящим ко святому твоему гробу неоскудно исцеление подаеши,/ верою вопиющим тебе:/ радуйся, отче Феодосие Богомудре.

Pages: 1 2 3

Комментарии закрыты.