google-site-verification: google21d08411ff346180.html Молитва ко Пресвятей Богородице и Приснодеве Марии предъ иконою Ея «Киево-Братская» | Справочно-информационный портал Алчевского благочиния

Молитва ко Пресвятей Богородице и Приснодеве Марии предъ иконою Ея «Киево-Братская»

Сентябрь 20th 2010 -

М о л и т в а ко Пресвятей Владычице нашей Богородице и Приснодеве Марии предъ иконою Ея «Киево-Братская»

О, Пресвятая Госпоже, Пречистая Владычице Богородице. Призри Всемилостивым Твоим оком на нас, предстоящих пред пречистым Твоим образом, Киево-Братским нарицающимся, и молящихся Ти пред ним.

Да возсияет неизреченный свет Возлюбленнаго Сына Твоего, Господа нашего Иисуса Христа в сердцах наших. Да будет воля Его чрез все житие наше. Да дарует нам прощение и очищение всех грехов и прегрешений наших.
Не имамы иныя помощи, ни иныя надежды, токмо Тебе, Пречистая.
Якоже в древния времена град Вышгород и землю Киевскую прославила еси знамениями и чудесы от иконы Твоея чудныя, егда иновернаго агарянина чудным образом от воднаго потопления в реце Днепре спасла еси, и до обители Киево-Братския неврежденна доставила еси, и тамо истинное покаяние его прияла еси, и светом святаго крещения просветив, во Ангельский чин в сей обители облекла еси, и тем ко спасению и истинныя веры православныя утверждению путеводила еси.
Сего ради и мы, грешнии и недостойнии, дерзающе просим и молим: не отрини нас, молящихся Ти, пред сею дивною и чудотворною иконою Твоею. Укрепи веру в нас правую, даруй любовь друг ко другу нелицемерную. Буди Взбранной Воеводой на вся видимая и невидимая враги наша: неверных к правоверию обрати, верных же на путь покаяния и спасения настави.
Помози, Госпоже Владычице, воздвигнути храм и обитель дивному и славному, достопоклоняемому Ангелы и человеки, имене Твоему, в честь и память чудотворнаго образа Твоего Киево-Братскаго.
Да и в храме сем и обители сей, паче же в душах и сердцах наших, прославим Тя, Ходатаицу и Молитвенницу за род наш, и Тобою славу возслем Отцу, и Сыну, и Святому Духу, ныне, и присно, и во веки веков. Аминь.

Комментариев к записи: 1 “Молитва ко Пресвятей Богородице и Приснодеве Марии предъ иконою Ея «Киево-Братская»”


  1. Мария сказал:

    Пресвятая Богородице! Моли Бога о нас! Спасибо Тебе за все!

Оставьте комментарий!