google-site-verification: google21d08411ff346180.html Молитва святым князям мученикам Давиду и Константину | Справочно-информационный портал Алчевского благочиния

Молитва святым князям мученикам Давиду и Константину

Октябрь 14th 2012 -

О непобедимии царственнии страстотерпцы, славнии Давиде и Константине, граждане горняго Иерусалима!

Будите ходатаи у престола Царя Славы Христа за ны, недостойная чада царствия Христова, в тине греховней погружаемая, яко дана вам благодать за ны молитися! Укрепите нас, немощных, угасите пламень страстей наших, губящих .души, и приимите от нас благодарственное малое сие пение. Радуйтеся, доблественнии и избраннии воини Царя Христа, верными Ему даже до смерти пребывшии; радуйтеся, именем Господним полчища злобных агарян победившии. Радуйтеся, за имя Христово в темнице заключеннии, и тамо, яко же во цветнице, ликующии; радуйтеся, душею же и телом целомудреннии. Радуйтеся, девственником и девственницам скории помощницы и заступницы; радуйтеся, смертию своею воды рионския освятивший. Радуйтеся, священными и явленными мощами вашими благоухание Христову царству источающии; радуйтеся, светлыя звезды и вернии стражи Церкве Иверския. Радуйтеся, Грузинскаго царства украшение и похвало; радуйтеся, града Кутаиса величие и красото. Радуйтеся, добропобеднии мученицы Давиде и Константине, священная прибежища к вам притекающих!

Оставьте комментарий!