Православный календарь 2 октября (19 сентября ст. ст.)
Октябрь 1st 2021 -
В этот день:
Русская Православная Церковь отмечает память святых:
Мучеников Трофима, Савватия и Доримедонта (276)
Мученика Зосимы пустынника (IV)
Святителя Феодора Тарсийского, архиепископа Кентерберийского (690)
Благооверного вел. кн. Игоря Черниговского и Киевского (1147).
Благоверных кнн. Феодора Смоленского (1299) и чад его Давида (1321) и Константина, Ярославских чудотворцев.
Преподобного Секуана Реомского, иеромонаха, (580; Галл.)
Священномученика Константина Голубева пресвитера и с ним двух мучеников (1918).
Священномученика Николая, пресвитера Искровского (1919).
Преподобного Алексия (Соловьева) Зосимовского (1928).
Священномученика Нила Смирнова пресвитера, (1938)
Преподобномученицы Марии Мамонтовой-Шашиной (1938)
Храни вас Господь, Матерь Божия и все святые, их же память мы сегодня отмечаем!
Молитвы
Тропарь благоверных князей Феодора Смоленского и чад его Давида и Константина, на преставление глас 4
От юности вашея Христове любви прилепившеся, святии, / усердно закон и оправдания Того сохранисте, / отонудуже и чудесными даровании обогатившеся, / исцеления источаете, Феодоре, Давиде и Константине, / о верою вас почитающих, / молите Христа Бога, спастися душам нашым.
Тропарь благоверных князей Феодора Смоленского и чад его Давида и Константина, на перенесение мощей глас 8
Яко звезды многосветлыя от юности возсиявше, / осветили есте сердца верных пренесением честных мощей ваших, / во плоти, яко Ангелы на земли показастеся, / пощением насаждени бысте яко древа, при водах воздержания, / напоени струями слез ваших, и скверну омысте. / Сего ради явистеся приятелища Божия Духа, / Феодоре, и Давиде, и Константине, / молите Христа Бога, спастися душам нашым.
Ин тропарь, на преставление Феодора глас 4
Яко целитель преизряден и казатель благоприятен / мирский мятеж оставил еси и крест свой на рамо взем / и божественным житием пожил еси и воздержанием плоти украсился еси / к тебе притекающим сосуд избранный показа тя, всеблаженне Феодоре, / воспевающих твою память в псалмех и песнех, преподобне, молися о душах наших.
Ин тропарь благоверного князя Феодора Смоленского глас 4
Измлада явился еси, Богомудре княже, / Божествен сосуд невозбранен Богови, / ныне точиши нам многоцеления, / вся ереси потопляюще и спасая присно свой град / и всех верных сохраняя, и невидимо от видимых враг, / верою тя молим, преподобне отче наш, княже Феодоре, / моли спастися душам нашим.
Ин тропарь благоверных князей Феодора Смоленского и чад его Давида и Константина глас 4
Яко апостолом спричастницы и врачеве предобрии, служители Богоприятнии, / памяти вашей Божественней притекающим, / святии Богомудрии, достоблаженнии, благочестивии князи, / новоявленнии чудотворцы Феодоре и Давиде, и Константине, / сошедшеся любовию в память вашу светло празднуем / в песнех и пениих, радующеся Христа славяще, таковую благодать даровавшего вам исцелением, / граду вашему Ярославлю великое утверждение.
Кондак благоверных князей Феодора Смоленского и чад его Давида и Константина, на преставление глас 4
Явися велие солнце Христове Церкви,/ просвещая учением светлостьми, всечестне,/ яко черпалом златым от кладязя неископаннаго чудес почерпл еси от Источника неистощимаго/ на успение свое приспел еси, всеблаженне Феодоре,/ ныне всем даеши грехов прощение.
Кондак благоверных князей Феодора Смоленского и чад его Давида и Константина, на перенесение мощей глас 8
Явистеся светильницы всесветлии во плоти яко Ангели,/ и яко жизни древеса райская,/ пощением, бдением и верою возращаеми, процвели есте,/ молитвами вашими небесныя благодати приемше,/ врачеве крепцы явльшеся, / исцеляете недугующих души,/ с верою прибегающих к вам чудотворцы славнии, Феодоре, Давиде и Константине:/ молите Христа Бога, грехов оставление даровати/ верою и любовию чтущым память вашу.
Тропарь мучеников Трофима, Савватия и Доримедонта глас 8
В Троице хвалимый Бог троицу мученик прослави,/ Трофима и Савватия и Доримедонта:/ в Того бо веровавше, врага низложиша.// Тех молитвами, Христе Боже наш, помилуй нас.
Кондак мучеников Трофима, Савватия и Доримедонта глас 8
Яко страдальцев основание и благочестия утверждение,/ Церковь чтит и славит твое светоносное страдание,/ приснопеваемый блаженне страдальче, доблемудре славне Трофиме,/ со страдавшими с тобою,// очищение поющим тя испроси, яко непобедим.
Тропарь блаженного Игоря, великого князя Черниговского и Киевского глас 4
Наста днесь всечестная память страстотерпца благовернаго князя Игоря,/ созывающая люди в пречестный храм Спасов,/ идеже радостно сошедшеся благочестивых множество/ молитвенно празднуют святую память твою,/ и с верою взывают ти:/ молися, святе, стране Российстей, граду Чернигову и всем православным христианом/ в мире и благоденствии спастися.
Ин тропарь благоверного великого князя Игоря Черниговского глас 4
Просветився Божественным крещением, / Духа Святаго светлостьми озаряем, / Евангелие Христово в сердце твое восприял еси / делом слово Сына Божия исполняя, благоверный княже Игоре, / моли Всеблагаго Спасителя нашего даровати нам мир, и милость, / и спасение душ наших, чтущих честную память твою.
Кондак блаженного Игоря, великого князя Черниговского и Киевского глас 6
Изменил еси земнаго княжения славу/ во иночества образ смиренный/ и страдальчески земное житие скончав,/ ныне на Небесех радуешися,/ усердие моляся/ о чтущих тя, Игоре, страдальцев похвало.
Ин кондак благоверного великого князя Игоря Черниговского глас 6
Княжескую диадему обагрил еси кровию твоею, / Богомудре страстотерпче Игоре, / за скиптр крест в руку приим, явился еси победоносец / и жертву непорочну Владыце принесл еси себе. / Яко бо агнец незлобив от раб убиен был еси, / и ныне радуяся предстоиши Святей Троице, / молися спастися душам нашим.
