google-site-verification: google21d08411ff346180.html Тропа́рь, конда́къ и моли́тва святи́телю Іо́нѣ, Епи́скопу Ханькоу́скому | Справочно-информационный портал Алчевского благочиния

Тропа́рь, конда́къ и моли́тва святи́телю Іо́нѣ, Епи́скопу Ханькоу́скому

Октябрь 20th 2011 -

Тропарь святи́телю Іо́нѣ, Епи́скопу Ханькоу́скому, гласъ 4:

Пастырь добрый былъ еси русскимъ людемъ,* пристанище обрѣтшимъ во чуждѣй странѣ,* всяко наставляя ихъ,* наипаче же любви Христовой,* образъ любве нелицемѣрныя во всемъ показуя,* тѣмже, святителю отче Іоно,* моли Христа Бога спастися душамъ нашимъ.

Кондакъ, гласъ 3: Дѣтемъ не возбранилъ еси приходити къ тебѣ, богоблаженне,* пекійся о насущныхъ ихъ,* и храмину имъ создалъ еси,* по кончинѣ же твоей ихъ не оставилъ еси,* отрока бо разслабленна въ сонномъ видѣніи исцѣливъ,* сего ради вопіемъ ти:* Радуйся, чудодѣйственниче, Іоно преславный.

Молитва иже во святыхъ отцу нашему Іонѣ, епископу Ханькоускому:

О, преблаженне Іоно, подвижниче предивный и о насъ къ Богу молитвенниче непрестанный! Саномъ архіерейства почтенъ бывъ, ко Христу дивную любовь показалъ еси и благодатію Его на труды и подвиги укрѣпился еси, паствѣ же твоей и отрокомъ послужилъ еси, сего ради, еще сый на земли, веліе къ Троицѣ дерзновеніе имѣлъ еси; егда же о предстоящей нечаянной кончинѣ своей вѣсть отъ врача пріялъ еси, ко Господу съ вѣрою и смиренною молитвою притеклъ еси, волю Божію пріемля, таже скорбя о паствѣ, паче же о дѣтехъ, Господа просилъ еси не оставити ихъ сирыхъ; нынѣ же прибѣгающіе къ теплому предстательству твоему, прилежно молимъ тя: окомъ благосердымъ любве твоея воззри на насъ грѣшныхъ, помощи твоея требующихъ; вѣрныя въ ревности поддержи, борющіяся со страстьми въ подвизѣхъ укрѣпи, лѣнивыя ко исправленію скоро подвигни; всѣмъ же намъ вкупѣ, якоже заповѣдалъ еси наипаче блюсти заповѣдь Христову, еже любити другъ друга, помози и посѣщенія благодати Святаго Духа испроси. Да, вся наставленія твоя храняще сподобимся и мы Царствіе Христово наслѣдити и купно съ тобою славити Отца и Сына и Святаго Духа во вѣки вѣковъ.

Тропарь, кондакъ и молитва святителю Іонѣ, Епископу Ханькоускому. // «Православная Русь». Церковно-общественный органъ Русской Православной Церкви Заграницей. — Jordanville, 1996. — №21 (1570). — С. 2.

Источникъ: «Русскiй Порталъ»

Оставьте комментарий!