google-site-verification: google21d08411ff346180.html Предсмертная молитва | Справочно-информационный портал Алчевского благочиния

Предсмертная молитва

Январь 16th 2015 -

Павел Рыженко. Молитва

Равноап. Кириллъ

Го́споди, Бо́же мо́й! Иже еси́ Ангельскія вся чины́ и безпло́тныя соста́вль си́лы, и не́бо распе́нъ, зе́млю основа́лъ, и вся су́щая отъ небытія́ въ бытіе́ приве́лъ, и́же еси́ всегда́ вездѣ́ послу́шалъ творя́щихъ во́лю Твою́, боя́щихся Тебе́ и храня́щихъ за́повѣди Твоя́, послу́шай моея́ моли́твы и вѣ́рное Твое́ ста́до сохрани́, ему́ же мя бѣ́ приста́вилъ неключи́маго и недосто́йнаго раба́ Твоего́.

Избавля́я вся отъ вся́кія безбо́жныя и пога́нскыя зло́бы, и отъ вся́каго многорѣчи́ваго и ху́льнаго ерети́ческаго язы́ка, глаго́люща на Тя хулу́, погуби́ тріязы́чную е́ресь, и возрасти́ Це́рковь Свою́ мно́жествомъ, и вся въ единоду́шіе совоку́пль, сотвори́ изря́дны лю́ди, единомы́сляща о и́стиннѣй вѣ́рѣ Твое́й и пра́вѣмъ исповѣ́даніи, вдохни́ же въ сердца́ ихъ сло́во Твоего́ уче́нія, Тво́й бо есть да́ръ.

Аще ны еси́ прія́лъ недосто́йныя на проповѣ́даніе имъ Ева́нгелія Христа́ Твоего́, остря́щася на до́брыя дѣла́ и творя́ща уго́дная Тебѣ́, е́же мнѣ бѣ́ да́лъ, я́ко Твое́, и Тебѣ́ предаю́ я́, устро́й я́ си́льною Твое́ю десни́цею, покры́й я́ кро́вомъ крилу́ Твое́ю, да вси́ хва́лятъ и сла́вятъ и́мя Твое́, Отца́ и Сы́на и Свята́го Ду́ха во вѣ́ки.

Ами́нь.

Источникъ: А. П. Послѣднія минуты жизни св. Кирилла Философа и брата его св. Меѳодія, предсмертная молитва и прощальная «бесѣда-завѣщаніе».  «Странникъ», духовный журналъ, 1885.  Томъ I.

Комментарии закрыты.