google-site-verification: google21d08411ff346180.html Молитвы святой преподобной Марии Египетской | Справочно-информационный портал Алчевского благочиния

Молитвы святой преподобной Марии Египетской

Март 30th 2012 -

Молитва первая святой преподобной Марии Египетской

О великая Христова угодница, преподобная мати Марие! Услыши недостойную молитву нас, грешных (имена), избави нас, преподобная мати, от страстей, воюющих на души наша, от всякия печали и находяшия напасти, от внезапныя смерти и от всякаго зла, в час же разлучения души от тела отжени, святая угодница, всякую лукавую мысль и лукавые бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков.

Молитва вторая, святой преподобной Марии Египетской

О великая Христова угоднице преподобная Марие! На Небеси Престолу Божию предстоящи, на земли же духом любве с нами пребывающи, имеющи дерзновение ко Господу, моли спасти рабы Его, к тебе с любовию притекающыя. Испроси нам у Великомилостиваго Владыки и Господа веры непорочное соблюдение, градов и весей наших утверждение, от глада и пагубы избавление, скорбящым утешение, недугующым — исцеление, падшим — возстание, заблуждшым — укрепление, в делах благих преспеяние и благословение, сиротам и вдовицам — заступление и отшедшим от сего жития — вечное упокоение, всем же нам в день Страшного Суда одесную страны общники быти и блаженный глас Судии Моего услышати: приидите, благословеннии Отца Моего, наследуйте уготованное вам Царствие от сложения мира, и тамо пребывания во веки получити. Аминь.

Молитва третья, святой преподобной Марии Египетской

О великая Христова угодница, преподобная мати Марие! Услыши недостойную молитву нас, грешных. Образ покаяния нам дадеся, Марие, твоим бо теплым умилением возврати побеждение, Заступницу стяжавши Богородицу Марию, с Неюже о нас помолися.
О, преподобная мати Марие, призывающих тя тёплая молитвиннице, изнемогающих в брани укрепляющая, унывающих скоро ободряющая. В бедах и скорбех помощнице нам благодатная, страждущих целительнице скорая и чудная, яко твоим пособием сокрушаются козни вражия. Преподобная мати Марие, чудо Божия милосердия, от Господа всех благих нам подательнице, молися Ему о рабе Божием тяжкоболящем младенце (имя младенца). Аминь.

Святой преподобной Марии Египетской, тропарь, глас 8

В тебе, мати, известно спасеся еже по образу: приимши бо крест последовала еси Христу, и дающи учила еси презирати убо плоть, преходит бо: прилежати же о душе, вещи безсмертней: темже и со Ангелы срадуется, преподобная Марие, дух твой.

Святой преподобной Марии Египетской, кондак, глас 3

Блудами первее преисполнена всяческими Христова невеста днесь покаянием явися, ангельское жительство подражающи демоны Креста оружием погубляет. Сего ради Царствия невеста явилася еси, Марие преславная.

Комментарии закрыты.

Смотрите описание мягкая кровля цена здесь.