google-site-verification: google21d08411ff346180.html Молитва святому апостолу Павлу | Справочно-информационный портал Алчевского благочиния

Молитва святому апостолу Павлу

Июль 12th 2016 -

Апостол Павел 1410-годы Андрей Рублёв. Из деисусного чина. Москва, Третьяковская галерея.

Тропарь святому апостолу Павлу (и апостолу Петру), глас 4-й

Апостолов первопрестольницы, и вселенныя учителие, Владыку всех молите; мир вселенней даровати, и душам нашим велию милость.

Кондак святому апостолу Павлу (и апостолу Петру), глас 2-й

Твердыя и боговещанныя проповедатели, верх апостолов Твоих, Господи, приял еси в наслаждение благих Твоих и покой; болезни бо онех и смерть приял еси паче всякаго всеплодия, Едине сведый сердечная.

Молитва

О святый верховный апостоле Павле, сосуде избранный Христов, небесных таин сказателю, всех языков учителю, церковная трубо, пресловущий витие, многия беды за имя Христово претерпевый, море измеривый и землю обшедый и нас от лести идольския обративый! Тя молю и к тебе вопию: не гнушайся мене сквернаго (имя), возстави падшаго греховною леностию, якоже в Листрех храмаго от чрева матерня возставил еси; и якоже Евтиха мертва бывша оживил еси, воскреси и мене от мертвых дел; и якоже молитвою твоею основание темницы некогда потрясл еси и узники разрешил еси, сице исторгни мя творити волю Божию. Вся бо можеши данною ти властию от Христа Бога, Емуже подобает всякая слава, честь и поклонение, со Безначальным Его Отцем, и со Пресвятым и Благим и Животворящим Его духом, ныне и присно и во веки веков. Аминь.

Метки: ,

Комментарии закрыты.