google-site-verification: google21d08411ff346180.html Молитва Пресвятой Владычице Богородице, ради иконы Ея Урюпинская, нарицаемая «Явленная» | Справочно-информационный портал Алчевского благочиния

Молитва Пресвятой Владычице Богородице, ради иконы Ея Урюпинская, нарицаемая «Явленная»

Июнь 20th 2011 -

Молитва  Пресвятой Владычице Богородице, ради иконы Ея Урюпинская, нарицаемая «Явленная»

О, Пресвятая, Преблагословенная Мати Господа нашего! Припадаем и поклоняемся Тебе пред святою чудотворною иконою Твоею, воспоминающе дивное явление Твое во граде нашем, смиренно молим Тя, Благая заступнице рода нашего, сохрани под кровом милости Твоея Церковь Твою святую, град наш и всю страну нашу православную, и всех притекающих к Тебе с верою и любовию, умиленно просящих со слезами Твоего заступления.

Подаждь недугующим цельбу и здравие, избави нас от всякия скорби и печали, огради нас от всякия напасти и злых клевет, веру православную до конца дней наших непорочною сохрани, во всех заповедях Господних настави и сподоби нас мирныя, христианская кончины, и добраго ответа на Страшном Суде Сына Твоего и Бога нашего; Его же умоли за нас матерними молитвами Твоими, да не осудит нас по беззакониям нашим, но да помилует нас по велицей и неизреченной милости Своей; Ему же подобает всякая слава, честь и поклонение, со Безначальным Его Отцем, и Пресвятым Духом, всегда, ныне и присно, и во веки веков. Аминь.

Тропарь, гл. 4
Явилася еси на древе в Донской земле, / Благодатная,Твоя икона, Богородице, / больные исцеляти и заблудшия обращати; / темже умильно молимся Тебе: / избави град наш от всякаго зла, //и спаси люди, к Тебе притекающия.

Тропарь ин., гл. 4
Пресвятая Дево Богородице, / чудотворную Свою икону во Урюпинске явившая / и многия исцеления по молитвам верующих подавающая. / Призри милостивно на люди, /Волго-Донскую землю населяющия, / утверди нас в православии //и спаси души наша.

Кондак, гл. 4
Всеблагая, Чистая Богородице, / к Тебе прибегаем вернии,/ Тобою бо познахом милость Божию, / чудную икону Твою,/от нея же вси здравие и спасение приемлем .

Величание
Величаем Тя, / Пресвятая Дево, / Богоизбранная Отроковице, и чтим еже во граде нашем / Преславное явление Твое.

Оставьте комментарий!