google-site-verification: google21d08411ff346180.html Молитва Положению честной ризы Пресвятой Богородицы во Влахерне | Справочно-информационный портал Алчевского благочиния

Молитва Положению честной ризы Пресвятой Богородицы во Влахерне

Сентябрь 12th 2010 -

Молитва Положению честной ризы Пресвятой Богородицы во Влахерне

Положение Пояса Богородицы

О, Преблагословенная, Дев о Владычице, Богородице, зрим ныне залог Твоих милостей к роду христианскому и светло празднуем днесь честныя Твоея Ризы положения, яко благоволила еси в сей Ризе открыть нам тайну благодатной помощи и заступления всем благоговейно к Тебе прибегающим и сердца свои перед Иконою Твоею в молитве изливающим. Прийми, Всеблагомощная Владычице Богородительнице сия дары, Тебе единой прикладная, от нас недостойных рабов Твоих, от всех родов избранная, всех тварей небесных и земных Всепетая явльшася. И ныне Всепетая Пресвятая Богородице, не престай молящися о нас, еже избавитися нам ог всякаго обстояния и навета злых человек — Ризою Твоею, и сохранитися нам неврежденными от всякого ядовитато прилога вражия — силою молитв Твоих, яко да Твоим заступлением и благодатной помощью Честныя Ризы Твоея спасаеми. Славу, хвалу, благодарение и поклонение за вся в Троице — Единому Богу и всех Создателю, возсылаем ныне и присно и во веки веков. Аминь.

Тропарь, глас 8

Богородице Приснодево, человеков покрове, ризу и пояс пречистаго Твоего телесе, державное граду Твоему обложение даровала еси, безсеменным рождеством Твоим нетленна пребывающи, о Тебе бо и естество обновляется и время. Темже молим Тя мир граду Твоему даровати и душам нашим велию милость.

Кондак, глас 4

Одеяние всем верным нетления, Богоблагодатная Чистая, даровала еси, священную ризу Твою, еюже священное тело Твое покрывала еси, покрове всех человеков, еяже положение празднуем любовию и вопием со страхом Ти, Чистая: радуйся, Дево, христиан Похвало.

Величание

Величаем Тя, Пресвятая Дево, Богоизбранная Отроковице, и чтим святыя ризы Твоея честное положение.

Комментарии закрыты.

David, купить monster beats mixr.