google-site-verification: google21d08411ff346180.html Молитва иконе Пресвятой Богородицы Мати Молебница | Справочно-информационный портал Алчевского благочиния

Молитва иконе Пресвятой Богородицы Мати Молебница

Июль 8th 2014 -

О Пречистая Госпоже Владычице Богородице, Надеждо нашего спасения! Воззри милостивно на предстоящия с верою и любовию и покланяющияся пречистому образу Твоему: приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас.

О Предивная Владычице! Покажи на нас чудныя милости Твоя. Молим Тя умиленно: избави нас от всякия скорби, настави на путь добродетели и благостыни, спаси от искушений, бед и болезней, изми от нас оклеветания и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы: подай нам Свою милостивную помощь на пути, в мори и на суше, да не погибнем люте. О Всемилостивая Мати, с твердым упованием возсылаем к Тебе нашу смиренную молитву! Не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем Преблагословенное и Всепетое имя Твое. Аминь.

Метки:

Комментарии закрыты.