Молитва иконе Богородицы «Купятицкая»
Ноябрь 27th 2016 -
О Пресвятая Дево, Мати Господа Вышняго, заступнице и покрове всех к Тебе прибегающих!
Купятицкая икона Божией Матери
Призри с высоты святыя Твоея на мя грешнаго, припадающего к пречистому образу Твоему: услыши мою теплую молитву и принеси ю пред возлюбленнаго Сына Твоего, Господа нашего Иисуса Христа: умоли Его, да озарит мрачную душу мою светом божественный благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя.
О пресвятая Богородице! Ты, всех скорбящих Радосте, услыши и мя скорбнаго: Ты, уменуемая Утоление печали, утоли и мою печаль: Ты, Купино неопалимая, сохрани мир и всех нас от вредоносных огненных стрел врага: Ты, Взыскание погибших, не попусти и мне погибнути в бездне грехов моих, на Тя бо по Бозе вся моя надеждо и упование. Буди мне в жизни временней Заступница и о жизни вечней пред возлюбленным Сыном Твоим Господем нашим Иисусом Христом Ходатаица. Научи мя Тому убо с верою и любовию служити, Тебе же, Пресвятая Мати Божия, преблагословенная Марие, благоговейно чтйти до скончания дней моих. Аминь.
Тропарь, гл. 5
Днесь радостно празднуем память явления Чудотворнаго Образа Твоего в Кресте, Владычице, иже щит явися Веры Православныя, укрепляяй и спасаяй во дни тяжких испытаний с верою притекающих к Тебе. Сице прилежно молимся: Буди всегда наша Заступница!
Кондак
Многими чудесы прослави Господь церковь Купятицкую Твоею Иконою, Богородице: всем бо предстательствуеши, Благая, прибегающим с верою в Священный Твой Покров. Инаго убо неимуще грешнии в бедах и скорбех пристнаго избавления, обремененнии грехми многими, разве Тебе, Мати Бога Вышняго, вопием Ему.
Певчие поют: Да возрадуется душа Твоя о Господе; облече бо Тя в ризу спасения и одеждою веселия одея Тя, яко жениху возложи Ти венец и яко невесту украси Тя красотою.
Величание
Величаем Тя, Пресвятая Дево, и почитаем Образ Твой в Кресте, егоже в Купятицех многими чудесы прославила еси.
