Молитва Божией Матери в честь Ея иконы Порт-Артурския

Август 28th 2010 -

Молитва Божией Матери в честь Ея иконы Порт-Артурския

Тропарь иконе Божией Матери Торжество Пресвятой Богородицы, глас 2

Пречистому образу Твоему покланяемся, Благая,
Просяще прощения прегрешений наших,
У Креста бо предстояла еси,
На негоже Сын Твой благоволил плотию взыти,
Да избавит, яже создал от работы вражия,
Темже благодарственно вопием Ти, Пречистая,
Радуйся, Воеводо Взбранная!

Тропарь, на Второе обретение иконы иконы, глас 4:
Днесь торжествует град Владивосток,
C ним же сликовствуют вси приделы земли Дальнероссийския:
Сретая вновь обретенную икону Твою, Богомати,
Порт-Артурскою нареченную,
В благословение и знамение торжества
Христолюбивому воинству Дальней России дарованную,
На ню же взирающие вси зовем:
Русь Святая, храни веру православную,
В ней же твое утверждение.

Порт-Артурская икона БМ

Молитва

О Пресвятая Госпоже, Дево Богородице, превысшая Херувим и Серафим и Святейшая всех святых! Припадая к святей иконе Твоей, смиренно молимся: вонми гласу моления нашего, виждь скорби нашего, виждь беды наша, и яко любвеобильная Мати, потщися на помощь нам беспомощным, умоли Сына Твоего и Бога нашего: да не предаст земли нашей на поругание варваров, да не погубит нас за беззакония наша, но явит человеколюбно нам милость Свою. Испроси нам, Владычице, у благости Его: телесное здравие и душевное спасение, мирное житие и земли плодоносие, воздуха благорастворение и благословение свыше на вся благая дела и начинания наша. И якоже пржде милостивно явила нам икону Свою «Торжество Пресвятой Богородицы», яко защитницу всея земли Российския, тако и ныне припадающих к обретенному Твоему образу прими усердное молитвословие.
О Царице Всепетая! Простри ко Господу богоносныя руце Твоя, имиже Богомладенца Иисуса Христа носила еси и умоли Его избавити нас от всякого зла. Яви, Владычице, милость Твою нам: болящия исцели, скорбящия утеши, бедствующим помози и сподоби нас благочестно житие земное совершити, христианскую кончину получити и Царствие Небесное наследити Матерним Твоим ходатайством к Рождшемуся от Тебе Христу Богу нашему. Емуже со Безначальным Его Отцем и Пресвятым Духом подобает всякая слава, честь и поклонение, ныне и присно и во веки веков. Аминь.

Метки:

Комментариев к записи: 1 “Молитва Божией Матери в честь Ея иконы Порт-Артурския”


  1. Александр сказал:

    Спасибо всем, кто участвует в деле спасения нас грешных! Храни вас Господь!