google-site-verification: google21d08411ff346180.html Молитва апостолу Иакову Зеведееву | Справочно-информационный портал Алчевского благочиния

Молитва апостолу Иакову Зеведееву

Май 12th 2011 -

Молитва святому апостолу Иакову Зеведееву

Тропарь св. апостолу Иакову Зеведееву, глас 3

Апостол Христов был еси избранный, и Богослову возлюбленному брат единородный, всехвальне Иакове, поющим Тя грехов оставление испроси, и душам нашим велию милость

Кондак св. апостолу Иакову Зеведееву, глас 2

Глас Божественный слышав, призывающ тя, любовь отца презрел еси, и притекл еси Христу, Иакове, с сродником твоим, славне, с нимже сподобился еси видети Господне Божественное Преображение
Молитва св. апостолу Иакову Зеведееву


Молитва святому апостолу Иакову Зеведееву

О великий и возлюбленный Апостоле Христов Иакове! Приими нас, грешных, под твое сильное заступление прибегающих. Испроси у Всещедраго Человеколюбца Христа Бога нашего, Иже пред очесы твоими Кровь Свою за ны, непотребныя рабы Своя, излиял еси, да не помянет беззаконий наших, но да помилует нас и сотворит с нами по милости Своей: да дарует нам здравие душевное и телесное, всякое благоденствие и изобилие, наставляя нас обращати оная во славу Его, Творца, Спасителя и Бога нашего, по кончине же временныя жизни нашея от немилосердных истязателей на воздушных мытарствах да избавит нас, и тако да достигнем, тобою водимии и покрываемии, Горняго онаго Иерусалима. О великий Иакове! Сохрани вся грады и страны христианския, храм сей, служащих и молящихся в нем, от глада, губительства, труса и потопа, огня и меча, нашествия иноплеменных и междоусобныя брани; избави нас от всякия беды и напасти и молитвами твоими отврати от нас праведный гнев Божий, и Его милосердие нам испроси, да вкупе с тобою сподобимся прославляти в невечернем дни Пресвятое Имя Отца и Сына и Святаго Духа во веки веков. Аминь.

Оставьте комментарий!

манометр дм