Молитва Благоверным князьям и страстотерпцам Борису и Глебу
Май 14th 2011 -
Молитва Благоверным князьям и страстотерпцам Борису и Глебу
Тропарь, гл. 2
Правдивая страстотерпца и истинная Евангелия Христова послушателя, целомудренный Романе с незлобивым Даввидом, не сопротив стаста врагу сущу брату, убивающему телеса ваша, душам же коснутися не могущу. Да плачется убо злый властолюбец, вы же радующеся с лики Ангельскими, предстояще Святей Троице, молитеся о державе сродников ваших богоугодней быти и сыновом Российским спастися.
Кондак, гл.3
Возсия днесь преславная память ваша, благороднии страстотерпцы Христовы, романе и Давиде, созывающи нас к похвалению Христа Бога нашего. Тем, притекающе к раце мощей ваших, исцеления дар приемлем молитвами вашими, святии: вы бо Божественние врачеве есте.
Молитва
О двоице священная, братия прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровьми своими, я ко багряницею украсившиеся, и ныне со Христом царствующии! Не забудите и нас, сущих на земли, но, яко теплии заступницы, вашим сильным ходатайством перед Христом Богом сохраните юных во святей вере и чистоте неврежденных от всякого прилога неверия и нечистоты, оградите нас от от всякия скорби, озлоблений и напрасныя смерти, укротите всякую вражду и злобу, действом дьявола воздвизаемую от ближних и чуждих. Молим вас, христолюбивые страстотерпцы, испросите у Великодаровитоого Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением страну нашу и всех, чтущих святую память вашу, во веки веков.
