Житие преподобнаго отца нашего князя Иоасафа, Каменского чудотворца

Сентябрь 22nd 2012 -

Чудо 1. О некоемъ человъцъ Тимофее

Человекъ некий именемъ Тимофей одержым трясавицею бяше многа времена, ни хльба ядый — до толика, яко и живота ему отчаятися. Сей убо человекъ, слышавъ о святемъ Иоасафе, и приходить к раце его с верою, и скорое исцеление получив, по малехъ же днехъ ничто же пострада. Видевше же игуменъ и братия скорое исцеление, начаша пети молебенъ блаженному Иоасафу-чюдотворцу. И бысть здравъ и смысленъ благодатию Христовою и молитвами святаго чюдотворца Иоасафа, яко же ничто же пострадавъ. И отиде в домъ свой, хваля и славя Бога и благодать велику исповедуя его угоднику, яко его ради молитвъ помилова его Богъ. Тако же, яко единаго от человъкъ смысляща, яко дивитися от таковаго недуга человека оного вскоре пременена, и славу воздяяху Богу, творящему дивная и преславная угодникомъ Своимъ.

Чудо 2. О юноши-князе Романе

Ино же не да умолчим содеянное святымъ, не токмо стяжавший даръ от еже немощных исцелити, но и немым дати глаго-лание, елико не предана быша зде множество народа такова исправления, такова чюдодейства сего великаго чюдотворца Иоасафа.

Бе же предреченный юноша, князь Романъ Димитриевичь, двубрату сынъ, князю Иосифу Дорогобужьскому. Сей от рожения не имъя языку глаголания, помале же премени, отцу его преставльшуся и мати его света сего отшедши, ему же оставльшуся сиротством, но прия его бабка в матерь, княгини Анна, его кормляше и одежду ему доволну даяше, якоже подобаше носити детем царскимъ. Боляре же у него и слуги, все пребывающи, и кормлю и одежду приимаху от тоя же княини Анны. И слышавъ княиня Анна о чюдесъхъ святаго Иоасафа, яже Богъ творит угодником Своим многа исцеления, она же отпусти его, внука, князя Романа Димитриевича, ко граду Вологде. Тако же и люди вда ему елико ему доволно бяше. Тамо же в монастырь потребная посла, и отпусти его в путь. И за ны (!) моляше Бога и нощь и день, чтобы Господь Богъ помиловалъ его, не презри бы моления ея, а сама молебны исправляше по вся дни, на многи церкви посылаше милостыня и нищих кормляше.

Князю же приехавшу во град на Вологду и в монастырь приехавшу святаго Спаса на Каменное, и возвещенно бысть архимандриту тоя обители о приходе княжемъ. И архимариту же пришедшу во церковь со всем освященным собором, и начаша ему молебенъ пети и воду святити, и князя поставиша у раки чюдотворцевы. Князь же, стоя у гроба святаго, зряше на образъ святаго Спаса и Пресвятыя Его матери, и святаго чюдотворца Иоасафа, со слезами моляшеся, но не може проглаголати, токмо в сердцы своем моляшеся со слезами. Архимарит же, молебъная совершивъ и животворящим крестомъ благослови, и водою покропи, и святаго благовернаго чюдотворца к мощем приложи, и воду святую помале вда ему испити. Он же от часа того проглагола, яко не имея николиже глумления. Ту видевше народи чюдо, вси прославиша Бога. Архимарит же повелъ во вся колоколы звонити. И снидеся народа множество от Вологды из окрестых месть на таковое предивное чюдо.

Сему же уноши, князю Роману, бывшу лет 15, от матери своея рожден, никако же проглаголати могий и до толика времени, хвалу Богови и благовърному отцу князю Иоасафу. Князь же повеле милостыню доволну дати на строение монастырю. Архимарит же повелъ ему пребыти три дни, и воду повелъ свящати, таже и покропи его, и на путь вда ему воду святую. Он же прослави Бога и святаго чюдотворца, и отиде в домъ свой, радуяся и славя Бога.

Чудо  о  жене

Жена некая такоже от богату родителю, именем Мария, слепа бывши многими времены, слышавши же, елико сотвори Богъ святым Своим угодником, и веру велику к нему имущи, и повеле икону написати святаго чюдотворца Иоасафа. Яко совершене бывши иконе той и принесеся в церковь, идеже лежаху мощи святаго чюдотворца Иоасафа, и поставлене бывши иконе над гробом святаго чюдотворца, и абие исцеление получи, и отиде в дом свой, славя и благодаря Бога, творящему дивная чюдеса и прославляюща угодника Своего, святаго и великаго чюдотворца Иоасафа.

Многа  же   и   различная   чюдеса  творить   Богъ   угодником Своим Иоасафом и до сего дне с верою приходящим, и многими леты бывшая чюдеса писанию не предашася. Сия мало нечто, отчасти написана быша, токмо да не в конецъ умолчана будут святаго повести.

Чудо 4-е

Инъ некто мужъ именем Иванъ, окрестъ манастыря живущи, от веси, нарицаемыя Чирковы, имея велию веру ко святому, ко обители святаго Спаса и ко святому чюдотворцу Иоасафу. По времени же неколице нападе на него ужасъ и трепетъ, и иступи ума, люте мучим от беса и несмысленая глаголя, и ничим же можаху двигнути. Сердоболи же его привезоша в монастырь святаго Спаса, и несоша его в церковь Пресвятыя Богородицы, честнаго ея Успения, идеже гробъ преподобнаго Иоасафа-чюдотворца. И положиша его насреди. Благодатию Божиею изыде из него бесъ. И возлежащу ему, и помолившуся со слезами Пресвятей Богородицы, и призывая на помощь преподобнаго помиловати его в беде люте суща, и прииде в память о содеянных своих неподобных делех. Сия убо помышляющу, горце глаголаше: «Увы мне окаянному и не покаявшемуся! И како пойду путемъ, от него же не возвращуся, и како претерплю прещение Страшнаго суда и вечных неминующих мукъ?». Сия убо глаголющу и множае рыдающи со слезами, архимарит же тоя обители со священницы в то время молебная совершаше, и егда приспе время, и клирицы начаша пети Владычице: «Приими молитву рабъ своих», — и в той часъ воста здравъ, и моляся, припадая ко образу Пресвятыя Богородица, и благодарныя песни возсылаше Богу, и поклонялся у целбоноснаго святаго гроба, и отиде в дом, славя Бога и преподобнаго чюдотворца Иоасафа, и прочая лета жизни сея целомудрено поживе.

Чудо 5-е

Человекъ некий, живый на селе своем, имея веру велию во обитель святаго Спаса, зовомою Каменное, и ко святому чюдотворцу Иоасафу, и сына у себе имея несовершена умом, именем пСампсона, и приведе его в монастырь, и приказа его со служащими служити на потребу братству, и тако служаще ему с великому любовию и верою, и приходя ко гробу преподобнаго Иоасафа-чюдотворца, и припадая, плачася о недузе своем, и каяся гръховъ своих, яко видящим его дивитися слезам его множеству, и тако сугубо здравие получиша, и отиде в дом свой, славя Бога и Пречистую Его Матерь, и прочая лета жизни сея со благодарением целомудрено поживе, и веру держа велию к преподобному чюдотворцу Иоасафу.

И прекратимъ убо зде и ныне слово писати — чюдеса святаго, неисчетна бо суть, яже даруетъ Богъ и до сего дне молитвами съвятаго, иже с верою приходящим ко гробу его. И о (!) прежде убо намъ, отцы и братия, благодарити человеколюбиваго Бога и Пречистую Его Матерь, показавшему намъ таковаго светилника и опаснаго делателя заповедем Христовым в последнем семь роду. Наипаче же кто студеным недугом одержим, — и приидет ко святому, и приемлет исцъление о том недузе. Велие дарование даровася ему от Бога — целити болящихъ.

После пожару Каменнаго монастыря собраны были мощи чюдотворца князя Иоасафа некоим старцом Мартинияном тоя же обители, Каменнаго монастыря, ухтюжанином по прозвищу Соколниковым, и собраны были в ящикъ, и после того в е.« крестъ положены, и до сего дне в кресте обложеном и позолоченом тремипядномъ.

И аще хощеши списателево имя уведети, и ты начитай сице, и глаголи: четверицею по пяторице, и еще по пяторице, — и тогда обрящеши единъ без числа; и паки шестерицею по пяторице, и еще шестерицею по пяторице, и паки четьверицею по пяторице, и тогда обрящеши з десяторицею и вторую де сятерицу, и тогда обрящеши с сотицею накончеваем еръ. То списателево имя.

Приведем здесь и последнюю в использованной нами рукописи запись о судьбе мощей Иоасафа. Она следует за Сказанием Паисия Ярославова и летописными заметками:

«В лъта 7158 [1650], при благовърномъ и христолюбивомъ царе и великомъ князе Алексее Михайловиче Московском и всея Русии, и при благоверной царице и великой княгине Марие Ильичне, и при святейшем Иосифе, патриархе Московскомъ, и по благословению преосвященнаго Маркела, архиепископа Воло-гоцкого и Велико-Пермьскаго, в Каменномъ монастыре пренесены мощи преподобнаго князя Иоасафа и положены в гробнице в соборной церкве у Преображения Господа Бога и Спаса нашего Исуса Христа противо левово крыласа подле стену у южныхъ врать.

А были мощи преподобнаго князя Иоасафа в болшей иже (!) церкви под престоломъ, собраны вь ящикъ после пожара Каменнаго монастыря, и стояли и до сего дне под престолом, а иные положены в кресте, обложеномъ серебром, в трепядномъ, июня в десятый день, при архимарите Маркеле.

А образ его, чюдотворца, издавна написанъ, пядица, стоит на налое, да и на гробнице его другой образъ, да и кресть с мощми.

И приходящимъ с верою бываютъ исцеления от мощей его».

Приведем также — в качестве заключения — слова Е. Голубинского о судьбе мощей Иоасафа: «...мощи преп. Иоасафа были открыты спустя весьма непродолжительное время после его кончины, ибо в 1472-м году в большой случившийся в монастыре пожар они уже сгорели. С 1774-го года по 1892-й год остатки мощей преподобного находились в Вологодском Духовом монастыре, в который переводим был штат Каменского монастыря, и в монастыре этом, вероятно, во время бытности в нем мощей, устроен был в честь преподобного престол, см. Описание Вологодского Спасо-Каменского Духова монастыря, составленное П. Савваитовым, исправленное и дополненное Н. Суворовым, Вологда, 1885, стр. 9, и Описание Спасокаменского, что на Кубенском озере, монастыря, составл. Н. Суворовым, 2 изд., Вологда, 1893, стр. 9 и 25».в

Pages: 1 2 3 4

Комментарии закрыты.