google-site-verification: google21d08411ff346180.html Стоглавъ. Соборъ бывшій въ Москвѣ при Великомъ Государѣ Царѣ и Великомъ Князѣ Иванѣ Васильевичѣ (въ лѣто 7059) | Справочно-информационный портал Алчевского благочиния

Стоглавъ. Соборъ бывшій въ Москвѣ при Великомъ Государѣ Царѣ и Великомъ Князѣ Иванѣ Васильевичѣ (въ лѣто 7059)

Август 26th 2011 -

Глава семнадцатая.  О дѣтскомъ крещеніи.

А дѣтей бы крестили въ Церквахъ, по уставу и по преданію святыхъ Апостолъ и Святыхъ Отецъ, а не обливати бы водою, но погружали, въ три погруженія, а крещали бы дѣтей по священнымъ правиломъ, достовѣрно, якоже есть писано о крещеніи младенецъ. Крещается же отъ священника глаголющаго сице: крещается рабъ Божій имя-рекъ, во имя Отца, и погружаетъ его, первое глаголя аминь; таже и Сына, и погружаетъ его, второе глаголя аминь; таже и Святаго Духа, и погружаетъ его третіе, и глаголетъ и нынѣ и присно и во вѣки вѣковъ аминь.

Вѣдомо же буди, яко Апостольскимъ сорокъ девятымъ правиломъ измещется священникъ крестивый сице.

Рекъ крестится рабъ Божій имя-рекъ, во имя Отца и Сына и Святаго Духа, нынѣ и присно и во вѣки вѣковъ аминь; и погружаетъ крещаемаго, и паки тожъ слово рекъ, и паки погрузитъ, и въ третіе тожъ слово рекъ, и паки погрузивъ; креститъ бо рече въ три безначальныя, и въ три сыны, и въ три утѣшителя, рекше въ девять лицъ. Такожде измещется по правилу, и рекше все тожъ слово, погрузивъ крещаемаго единощи, яко не славя Воскресенія.

Зри.

Но сице подобаетъ крестити: пріимъ священникъ рукама крещаемаго и глаголетъ: крешается рабъ Божій имя-рекъ, во имя Отца аминь, и низводитъ его, и возведъ глаголетъ и Сына аминь, и низводитъ паки, и возведъ глаголетъ и Святаго Духа нынѣ и присно и во вѣки вѣковъ аминь, и паки погружаетъ его, и тако креститъ въ три лица Божественная, въ три лица, и тридневнаго воскресенія Христова, тремя погруженьми. И по семъ мажетъ его великимъ мѵромъ, и облачитъ его во вся новая, прежде давъ его на руки воспріемнику и поетъ священникъ съ людьми: Блажени имъ же отпустишася беззаконіе, имъ же прикрышася грѣси, и протчая по уставу.

Зри.

А кумъ бы единъ, любо мужескій полъ, любо женскій, а о два бы кума, и мнозіи кумове не были, какъ у васъ прежъ сего было.

Стоглавъ, Соборъ бывшій въ Москвѣ при Великомъ Государѣ Царѣ и Великомъ Князѣ Иванѣ Васильевичѣ (въ лѣто 7059). — Лондонъ: Trübner & Co., 1860. — С. 56-57.

источник: сайт «Русскiй Порталъ»

Оставьте комментарий!