Молитвы святой равноапостольной Нине, просветительнице Грузии

Январь 27th 2011 -

Молитвы святой равноапостольной Нине, просветительнице Грузии

иконы: Нина, просветительница Грузии

Молитва первая

О всехвальная и предивная равноапостольная Нино, к тебе прибегаем и умильно тебе просим: огради нас (имена) от всяких зол и скорбей, вразуми врагов святыя Церкви Христовы и посрами противников благочестия и умоли Всеблагаго Бога Спасителя нашего, Емуже ты ныне предстоиши, да дарует народу православному мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже вси святии славословят всесвятое Его имя, ныне и присно и во веки веков. Аминь.

Молитва вторая

О всехвальная и предивная равноапостольная Нино, воистинну великое украшение Церкве Православныя и изрядная похвало народу Божию, просветившая всю страну Грузинскую Божественным учением, и подвиги апостольства победившая врага нашего спасения, трудом и молитвами насадившая зде вертоград Христов и возращшая его в плод мног! Празднующе святую память твою, притекаем к честному лику твоему и благоговейно лобызаем всехвальный дар тебе от Божия Матере, чудотворный Крест, егоже ты обвила еси драгими власы твоими, и умильно просим, яко присную предстательницу нашу: огради нас от всяких зол и скорбей, вразуми врагов Святыя Церкви Христовы и противников благочестия, охраняй твое стадо, упасенное тобою, и моли Всеблагаго Бога, Спасителя нашего, Емуже ты ныне предстоиши, да дарует православному народу нашему мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже вси святии славословят Всесвятое Его имя ныне и присно и во веки веков. Аминь.

Тропарь равноапостольной Нине, просветительнице Грузии

Тропарь, глас 4

Слова Божия служительнице, во апостольстей проповеди первозванному Андрею и прочим апостолом подражавшая, просветительнице Иверии, и Духа Святаго цевнице, святая равноапостольная Нино, моли Христа Бога, спастися душам нашим.

Комментариев к записи: 2 “Молитвы святой равноапостольной Нине, просветительнице Грузии”


  1. inna сказал:

    spasibo


  2. admin сказал:

    С праздником Inna, всех благ, Божией благодати

Оставьте комментарий!

печать дипломов. заказ дипломов, срочная печать
цинк в витаминах