Молитва всем архиереям Божиим, в Церкве Православней просиявшим
Ноябрь 16th 2011 -
О, святии богоблаженнии архиереи Божии, славно житие свое во славу Божию скончавшии и в Царствии Небесном ныне веселящиися, мы ныне, архипастырскаго благословения вашего просяще, молим вас: вознесите Господу нашему Иисусу Христу свои благомощныя молитвы за нас, чад ваших, и испросите у Него для нас прощения всех наших грехов и прегрешений, душам нашым спасения и телеснаго здравия, на Страшнем же суде Его одесную стояния и в житии вечнем радостнаго пребывания с Ним и со Отцем и Святым Духом во веки веков. Аминь
Тропарь всем святителем Божиим, в Церкве Православней просиявшим
Тропарь, глас 4:
Боже отец наших, творяй присно с нами по Твоей кротости, не отстави милости Твоей от нас, но молитвами их в мире управи живот наш.
Кондак, глас 8:
Яко добродетелей учителие и иерархов украшение, Церковь поющи вас славит. Молитвами вашыми подайте, чтущым вас любовию, добродетелей исправление, и соблазнов избавление, яко непобедимии.
Величание
Величием вас, все святителие велиции в Церкве Православней просиявшии, и чтим святую память вашу, вы бо молите за нас Христа Бога нашего.
