google-site-verification: google21d08411ff346180.html Молитва преподобной Анастасии Киевской | Справочно-информационный портал Алчевского благочиния

Молитва преподобной Анастасии Киевской

Апрель 19th 2012 -

Молитва преподобной  Анастасии Киевской

О, преподобная и многомилостивая мати наша Анастасие, благоуханный крине царский в земли Киевстей процветший!

Во дни земнаго жития твоего никогоже из притекающих к тебе не отринула еси, но теплою любовию твоею всем послужити готова была еси. И ныне, приклоньше колена и смиренно припадающе к раце мощей твоих, умиленно вопием и молим тя: приникни к нам, недостойным, благосердием твоим, нищия и убогия заступи, немощныя и болящия уврачуй, и всем коемуждо благопотребная в жизни сей подаждь и вся яже к душевному спасению нашему. Помози инокиням, тобою под Покровом Царицы Небесной собранным, понести иго Христово во благодушии, подвигом добрым подвизатися и в чертог Спасов с мудрыми девами внити. Обитель святую твою присно осени своим заступлением, сохраняющи ю от стрел лукаваго и от всякаго злаго обстояния. О, блаженная мати наша Анастасие! Якоже имела еси сердце твое преисполнено милосердия и любве Христовой, сице и нас научи Бога всем сердцем любити и к ближним нашим милостивым быти. Умоли Спасителя нашего, да сохранит нас от падений греховных и в заповедех Своих преуспеяние дарует, да с истинным покаянием устремившеся к вечней жизни, купно с тобою наследим Небесное Царствие и прославим всесвятое имя Отца, и Сына, и Святаго Духа во веки веков.

Аминь.

Оставьте комментарий!