google-site-verification: google21d08411ff346180.html Молитва чудотворной иконе Божией Матери, именуемой «Корсунской Прозренной» (Шпилевской) | Справочно-информационный портал Алчевского благочиния

Молитва чудотворной иконе Божией Матери, именуемой «Корсунской Прозренной» (Шпилевской)

Август 31st 2010 -

Молитва чудотворной иконе Божией Матери, именуемой «Корсунской Прозренной» (Шпилевской)

Царице моя Преблагая, надеждо моя, Богородице, прибежище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Тропарь, глас 4-й
Яко Венцем Богосветлым украшается Сумский град /пречестною и чудотворною иконою Твоею, Владычице/, иже сияюще лучи благодати Божественныя/, слепоты душевныя и телесныя верныя свобождает/, темже, Дево Чистая Пренепорочная/, осияй и нас Светом Сына Твоего и Бога нашего/, во еже спасти души наша/.

Кондак, глас 4-й
Пречистый Твой образ Корсунский, Владычице, видяще/, духовно зрим Тя, якоже яве/, сердцем и усты исповедуем Тя Богородицу воистину/, и любовию поклонение Ти приносим/, спасай нас присно молитвами Твоими/, яко Предстательница и Покров еси рода христианскаго.

Величания
Величаем Тя,/ Пресвятая Дево,/ Богоизбранная Отроковице,/ и чтим образ Твой Святый,/ егоже граду Сумскому/, яко покров даровала еси.

Величаем Тя,/ Пресвятая Дево,/ Богоизбранная Отроковице,/ и чтим образ Твой Святый,/ имже слепоты духовныя избавляеши/ и души наша к Богу приводиши.

Метки:

Оставьте комментарий!